Κατά την Δέηση ο Παναγιώτατος ανέγνωσε την ακόλουθη ευχή.

“Κύριε Ιησού Χριστέ ο Θεός ημών, ο προαιώνιος Λόγος του Πατρός, ο δι᾽ άκραν φιλανθρωπίαν την ημετέραν μορφήν αναλαβών, συγκαταβάς ημίν συγκατάβασιν άφραστόν τε και ακατάληπτον, ανοίξας τω Αδαμιαίω γένει Παραδείσου τας πύλας και αθανατώσας ημάς τω Σταυρώ και τη Αναστάσει Σου, και καταπέμψας το Πανάγιον Πνεύμα τοις Αγίοις Σου Μαθηταίς και Αποστόλοις, το φωταγωγούν τον κόσμον άπαντα και οδηγούν εις πάσαν την Αλήθειαν, επάκουσον ημών προσπιπτόντων Σοι εν ταπεινώσει.

Πρόσδεξαι, παντεπήκοε, παντευλόγητε και παντευεργέτα Κύριε, τας ικετηρίους ημών εντεύξεις. Ο των καλών αίτιος, ο δοτήρ παντός αγαθού και χορηγός πάσης ευεργεσίας, έκτεινον ημίν χείρα βοηθείας, ο αεί διδούς υπερεκπερισσού ων αιτούμεθα. Ρύσαι ημάς, Κύριε, εκ της σοβούσης πανδημίας και εκ των ταύτη συμπαρομαρτουσών δεινών περιστάσεων. Απόστειλον την πανακή χάριν Σου επί τους ασθενούντας και χάρισαι αυτοίς ρώσιν και ταχινήν και πλήρη την ίασιν.

Κραταίωσον τους ιατρούς και πάντας τους περιθάλποντας τους νοσούντας. Φύλαξον υπό την σκέπην Σου πάντας ημάς, δώρησαι, ο ιατρός των ψυχών και των σωμάτων, τοις δούλοις Σου υγιείαν κατ᾽ άμφω, λογισμόν σώφρονα, καρδίαν καθαράν, πάσαν άνωθεν ευλογίαν και πνεύμα ευθές εγκαίνισον εν ημίν.

Δίδαξον ημίν τα δικαιώματά Σου και δος ημίν, Δέσποτα, πίστιν δι᾽ αγάπης ενεργουμένην και αδίστακτον ελπίδα, όπως δοξάζηται το υπεράγιον και υπερουράνιον όνομά Σου και διακονήται ο αδελφός, ο «ηγαπημένος του Θεού». Κλίνον, Κύριε, το ούς Σου, ο αναστάς εκ των νεκρών και συναναστήσας ημάς, και στερέωσον ημάς εν τη τηρήσει των εντολών Σου, μεσιτεία της αγιοπρώτου Θεοτόκου, της Ζωοδόχου Πηγής, της αενάως παρεχούσης «ιάσεων πλήμμυραν ανεξάντλητον», πρεσβείαις δε πάντων των Αγίων των απ᾽ αιώνος, Σοι, τω «πάντων Αγίων Αγιωτάτω Λόγω», ευαρεστησάντων. Αμήν”.

Εκκλησία Online
Αποστολή
Αξιολόγηση επισκεπτών 5 (3 ψήφοι)

Προσθήκη σχολίου

Το email είναι ήδη εγγεγραμμένο στην ιστοσελίδα. Παρακαλώ συνδεθείτε ή ξαναπροσπαθήστε.

Δώσατε λάθος όνομα ή κωδικό

Sorry, you must be logged in to post a comment.