Το Ευαγγέλιο της Μεγάλης Τρίτης 7 Απριλίου 2026. Μεγάλη Εβδομάδα. Μεγάλη Τρίτη με την παραβολή των δέκα παρθένων. Εορτή της Ορθοδοξίας: Ο Άγιος Καλλιόπιος και Ακυλίνη οι Μάρτυρες. Ο Όσιος Γεώργιος ο Επίσκοπος Μυτιλήνης. Ο Όσιος Σάββας ο Νέος ο εν Καλύμνω. Ο Όσιος Γεράσιμος ο Βυζάντιος ο εν Πάτμω Ασκήσας. Ο Όσιος Δανιήλ ο Θαυματουργός. Κατά Ματθαίο: Άγνωστη η ημέρα και η ώρα. Ο πιστός και ο κακός δούλος. Η παραβολή των δέκα παρθένων. Η παραβολή των ταλάντων. Η κρίση των εθνών. Συνωμοσία για να σκοτώσουν τον Ιησού. Ευαγγελικό απόσπασμα Μεγάλης Τρίτης από πρωτότυπο και σε νεοελληνική απόδοση.
Κατά Ματθαίο Άγιο Ευαγγέλιο, Κεφάλαιο ΚΔ'(24) 36-51
Περὶ δὲ τῆς ἡμέρας ἐκείνης καὶ ὥρας οὐδεὶς οἶδεν, οὐδὲ οἱ ἄγγελοι τῶν οὐρανῶν, εἰ μὴ ὁ πατήρ μου μόνος.
ὥσπερ δὲ αἱ ἡμέραι τοῦ Νῶε, οὕτως ἔσται καὶ ἡ παρουσία τοῦ υἱοῦ τοῦ ἀνθρώπου.
ὥσπερ γὰρ ἦσαν ἐν ταῖς ἡμέραις ταῖς πρὸ τοῦ κατακλυσμοῦ τρώγοντες καὶ πίνοντες, γαμοῦντες καὶ ἐκγαμίζοντες, ἄχρι ἧς ἡμέρας εἰσῆλθε Νῶε εἰς τὴν κιβωτόν,
καὶ οὐκ ἔγνωσαν ἕως ἦλθεν ὁ κατακλυσμὸς καὶ ἦρεν ἅπαντας, οὕτως ἔσται καὶ ἡ παρουσία τοῦ υἱοῦ τοῦ ἀνθρώπου.
τότε δύο ἔσονται ἐν τῷ ἀγρῷ, ὁ εἷς παραλαμβάνεται καὶ ὁ εἷς ἀφίεται·
δύο ἀλήθουσαι ἐν τῷ μυλῶνι, μία παραλαμβάνεται καὶ μία ἀφίεται.
γρηγορεῖτε οὖν, ὅτι οὐκ οἴδατε ποίᾳ ὥρᾳ ὁ Κύριος ὑμῶν ἔρχεται.
Εκεῖνο δὲ γινώσκετε ὅτι εἰ ᾔδει ὁ οἰκοδεσπότης ποίᾳ φυλακῇ ὁ κλέπτης ἔρχεται, ἐγρηγόρησεν ἂν καὶ οὐκ ἂν εἴασε διορυγῆναι τὴν οἰκίαν αὐτοῦ.
διὰ τοῦτο καὶ ὑμεῖς γίνεσθε ἕτοιμοι, ὅτι ᾗ ὥρᾳ οὐ δοκεῖτε ὁ υἱὸς τοῦ ἀνθρώπου ἔρχεται.
